Hamımızın gözü aydın olsun. "Qarabağ" komandası öz meydanında oynaya bilmirdi. Bu, beynəlxalq matçlarda daha çox qabardılırdı ki, komanda doğma şəhərində və meydanında çıxış edə bilmir.

Axar.az xəbər verir ki, bu sözləri “Zirə”nin baş məşqçisi Rəşad Sadıqov deyib.

“Biz artıq bu günləri görürük. Ali Baş Komandan, Ordumuza, zabitlərimizə və əsgərlərimizə dərin təşəkkürümü bildirirəm ki, bizə bu sevinci yaşadırlar. Hərdən mənə yuxu kimi gəlir, deyirəm, doğrudanmı torpaqları işğaldan azad etdik? Böyük zəfər qazanmışıq. Bütün qarabağlıları və xalqımızı təbrik edirəm. Fəxr edirəm və qürur hissi keçirirəm ki, azərbaycanlıyam”, - R.Sadıqov bildirib.