Ana səhifə İdman |
UEFA-nın kifayət qədər ciddi maliyyə feyr-pley qaydaları var. Bunlara əməl etməyənlər bizim bayrağımız altında keçirilən yarışlarda iştirak etməyəcək.
Axar.az xəbər verir ki, bunu UEFA prezidenti Aleksander Çeferin BBC-yə Fransanın PSJ klubunun Kilian Mbappe ilə imzaladığı yeni müqavilədə maliyyə feyr-pley qaydalarını pozması ilə bağlı xəbərlərə münasibət bildirərkən deyib.
“Nə İspaniya "Real Madrid"i, nə də başqa bir klub Avropa futbol qurumuna göstəriş verə bilər: "Başa düşürəm, hazırda Madrid təmsilçisi bu keçidin alınmamasına görə qəzəblidir. Amma bildiyimə görə, onların təklifi də PSJ-nin şərtlərinə bənzəyirdi", - Çeferin qeyd edib.
Xatırladaq ki, Kilian Mbappe PSJ ilə 3 illik yeni sözləşməyə imza atıb. 24 yaşlı hücumçu buna görə 300 milyon avro bonus qazanıb. Onun Paris təmsilçisindəki illik gəliri isə 100 milyon avro olacaq.
Tarix
2022.05.26 / 01:01
|
Müəllif
Axar.az
|