Gürcüstan Futbol Federasiyası seçkilərində iştirak edən böyük qardaşı Revaza görə ölkəsinə gedən Trabzonspor FK-nın baş məşqçisi Şota Arveladzeyə hücum olub.

Axar.az xəbər verir ki, məşqçi Gürcüstan mətbuatına açıqlama verdiyi vaxt digər namizəd Kobiaşvilinin tərəfdarları və "Dinamo" Tiflis rəhbəri Oman Pipia ilə aralarında gərginlik yaşanıb.

Verilən məlumata görə, tərəfdarlar "Siz Gürcüstana nə vermisiniz? Çox danışmayın", - deyərək Şotaya hörmətsizlik ediblər. Tərəflər arasında deyişmə sonradan əlbəyaxa davaya çevrilib. Hirsli tərəfdarlar Şotanı itələyib vurmaq istəyəndə mühafizəçilər gürcü məşqçini otelə aparıblar.

Qeyd edək ki, Gürcüstan Futbol Federasiyası seçimlərində Levan Kobiaşvili qalib olub.