Vacib 3 xal qazandıq. Oyunun sönük keçməsi ilə razıyam.

Axar.az xəbər verir ki, bunu "Qarabağ"ın baş məşqçisi Qurban Qurbanov deyib.

"Rəvan"la oyundan sonra 1:0 hesablı qələbəni şərh edən Qurbanov fikirlərini belə ifadə edib: "Son 3 ayda futbolçuların normal istirahət üçün zamanı olmayıb. Bütün bunlara baxmayaraq, proqram üzərində işləyirik.
Bu gün rəqibimiz də çox qapandı. Yəqin ki, məşqçinin tapşırığı belə idi. Oyun ərzində futbolçulara topla çox davranmağı tapşırmışdıq. Vüqarın qolu sayəsində 3 xal qazandıq və buna görə şadam".

Qeyd edək ki, bu qələbə Ağdam klubunu Premyer Liqada yenidən liderlik zirvəsinə qaldırıb.