Bir neçə futbolçumuz var ki, zədəlidir. Həkimlərlə danışdıqdan sonra start heyəti ilə bağlı yekun qərarı verəcəm.

Axar.az Qol.az-a istinadən xəbər verir ki, bu sözləri İsveç millisinin baş məşqçisi Yon Dal Tomasson UEFA Millətlər Liqasının 6-cı turunda sabah Azərbaycan millisi ilə keçiriləcək oyun üçün təşkil edilən mətbuat konfransında deyib.

Danimarkalı mütəxəssis sabahkı matçda qələbənin onlar üçün vacib olduğunu bildirib:

"Şənbə günü Slovakiya ilə matçda futbolçularım hər şeyi etdilər. Meydanda hər şeyi edəndə problemlər yarana bilər. Bir oyunumuz qalıb və Azərbaycanla görüşdə qalib gəlmək istəyirik. Bu oyun üçün də komandamızın motivasiyası var. Çünki C divizionunda pley-off mərhələsinə vəsiqə qazanmaq üçün ən yaxşılar sırasında olmaq lazımdır".

Qeyd edək ki, noyabrın 19-da saat 23:45-də Solna şəhərində İsveç – Azərbaycan matçı start götürəcək.