İspaniyanın “Real Madrid” klubu türkiyəli futbolçu Arda Gülərlə bağlı yekun qərarını verib.

Axar.az xəbər verir ki, “kral klubu”nun prezidenti Florentino Perez Türkiyə millisinin 19 yaşlı üzvünün komandada qalacağını bildirib.

Onun sözlərinə görə, istedadlı oyunçu icarə əsasında başqa kluba keçməyəcək:

“Arda qış transfer dövründə bizimlə olacaq. Bu barədə heç bir şübhə yoxdur”.

Qeyd edək ki, daha əvvəl futbolçunun az oynadığına görə başqa komandaya keçmək fikrində olduğu yazılmışdı.

Xatırladaq ki, bu mövsüm "Real Madrid"in heyətində 12 rəsmi matçda forma geyinən Arda Gülər 307 dəqiqə meydanda olub.