Nyu Yorkda keçirilən rapid üzrə dünya çempionatında qalmaqal baş verib və nəticədə şahmat üzrə dünya çempionu Maqnus Karlsen diskvalifikasiya edilib.

Axar.az xəbər verir ki, bu barədə idmançı sosial şəbəkə hesabında yazıb.

Məlum olub ki, norveçli şahmatçı 9-cu turda geyim qaydalarını pozduğuna görə diskvalifikasiya olunub – o, təşkilatçıların xəbərdarlığını nəzərə almadan oyuna cins şalvarda çıxıb.

“Mən köynək və pencək geyindim, düzü, cins şalvar haqda düşünmədim. Mənə dedilər ki, dəyişməliyəm, amma prinsipcə bunu etməməyə qərar verdim. Görünür, turniri bitirib, daha yaxşı hava olan yerə yollanacağam”, - Karlsen sosial şəbəkələrdə yazıb.