2025.05.31 - 09:43

UEFA Çempionlar Liqasının 2024/2025 mövsümünün qalibi müəyyənləşib.

Axar.az xəbər verir ki, həlledici görüşdə İtaliyanın “İnter” və Fransanın PSJ klubları üz-üzə gəliblər

Almaniyanın Münhen şəhərindəki "Alyans Arena"da keçirilən qarşılaşmanı rumıniyalı FİFA referisi İştvan Kovaç idarə edib.

Görüş Paris təmsilçisinin 5-0 hesablı qələbəsi ilə yekunlaşıb.

Qeyd edək ki, finalda iştirak edən komandalardan “İnter” tarixi ərzində 3 dəfə (1963/1964, 1964/1965, 2009/2010) yarışın qalibi adını qazanıb. Fransa klubu isə ilk dəfə bu titula sahib çıxıb.

Xatırladaq ki, UEFA Çempionlar Liqasını ən çox qazanan komanda İspaniya təmsilçisi “Real”dır. Madrid klubu 15 dəfə kuboku başı üzərinə qaldırıb. Turnirin son qalibi də məhz Kral klubu olub.

Əlavə edək ki, turnirin tarixində ən çox qol vuran futbolçu Portuqliya yığmasının və “Əl-Nəsr” klubunun futbolçusu Kristiano Ronaldudur (141).