Maliyyə Bazarlarına Nəzarət Palatasının (Palata) lisenziyasını ləğv etdiyi 4 kommersiya bankından 2-nin qiymətli kağızlarının Bakı Fond Birjasında (BFB) ticarəti dayandırılıb.

BFB-dən Report-a verilən məlumata görə, söhbət Dekabank ASC və Parabank ASC-nin alternativ bazar seqmentində təklif olunan səhm və istiqrazlarından gedir.

BFB-nin listinq qaydalarına uyğun olaraq, qurumun Listinq Komitəsinin qərarı ilə sözü gedən emitentlərin listinqdə olan aşağıdakı qiymətli kağızlarının delistinq edilməsi qərara alınıb:

​

Delistinq qərarı bu qərarın açıqlanmasından iki ay sonra qüvvəyə miəcək. BFB həmçinin bəyan edib ki, lisenziyaları dayandırılmış Kredobank ASC və Zaminbank ASC-nin qiymətli kağızları BFB-də listinqdə mövcud deyil.