Aylıq kredit borcunu gecikdirənlər daha çox ziyana düşə bilər.

Axar.az xəbər verir ki, cərimə məbləğləri əsas borca əlavə edildiyi üçün faiz dərəcəsi arta bilər.

Bu barədə paytaxt sakini "Xəzər xəbər"ə məlumat verib. Onun sözlərinə görə, bir neçə dəfə gecikmə olduğundan hesablanan 25, 57 dollar kimi cərimələr ümumi borcun üzərinə yazılıb.

Bank işçisi cərimə məbləğlərinin əsas borca əlavə edildiyini və onu sonda ödəyəcəyi ilə bağlı məlumat verib.

Şikayətçinin sözlərinə görə, bank ona bununla bağlı heç bir xəbərdarlıq etməyib. Özü maraqlanmasaydı, hələ də vəziyyətdən xəbərdar olmayacaqdı.

Mütəxəssislər isə bəzi bankların öz səlahiyyətlərindən sui-istifadə etdiyini deyir.

Qeyd edək ki, bank haqqında qanuna əsasən, şəxsdən cərimə ödəniş zamanı tələb olunmalıdır. Bu hal müqavilədə öz əksini tapdığı halda belə, etibarsız hesab olunur.