Ana səhifə İqtisadiyyat |
Xarici investorlar aktiv şəkildə Rusiya şirkətlərinin səhmlərindən imtina edirlər.
Axar.az “Finanz.ru”ya istinadən xəbər verir ki, buna səbəb neft bazarında artan risklər, ABŞ-la münasibətlərin normallaşmasına ümidin ölməsi olub. Müştərilər fevral ayında Rusiyaya böyük investisiyalar yatırılan Amerikanın ETF birja fondundan 110 milyon dolları geri çəkiblər. Bununla da onlar ilin əvvəlindən olan investisiyalarını iki dəfə azaldıblar. ETF-nin proqnozlarına görə, mart ayında da axın davam edəcək. Fond təkcə bu ayın ilk həftəsində 12 milyon dollardan məhrum olub.
Rusiyalı ekspert Georgi Vaşenko da rubl aktivlərindən pul axınının inkişaf etmiş bazarlara yönəldiyini bildirib:
“Rubl aktivlərindən pul axını inkişaf etmiş bazarlara, o cümlədən Amerikaya yönəlir. Bu işdə Federal Ehtiyat Sisteminin uçot dərəcəsini artırması və dolların güclənməsi ehtimalı da böyük rol oynayır. Rubl aktivlərindən və şirkətlərin səhmlərindən qaçmaq bundan sonra da davam edəcək. Bu dəfə neft şirkətlərinin aksiyalarını ixracatdan olan gəlirlərin dollar üzərində formalaşması da xilas etməyəcək”.
Tarix
2017.03.07 / 13:50
|
Müəllif
İlkin Həsənov
|