Bu ilin 16 noyabr tarixinə faktiki olaraq 2,3 mlrd. manat gömrük ödənişləri toplanaraq dövlət büdcəsinə köçürülməklə 2017-ci il üzrə müəyyən olunan 2,25 mlrd. manat illik büdcə öhdəliyi vaxtından əvvəl 50 mln. milyon manat artıq və ya 102% yerinə yetirilib.

Axar.az xəbər verir ki, bu barədə Dövlət Gömrük Komitəsi (DGK) mətbuat xidmətinin yaydığı məlumatda deyilib.

Məlumatda qeyd olunub ki, 2017-ci ilin 16 noyabr tarixinədək olan dövr ərzində idxal əməliyyatlarının həcmi 7,341 mlrd. dollar olmaqla, ötən ilin müvafiq dövrü ilə müqayisədə 18,9 mln. dollar məbləğində azalmasına baxmayaraq, 2017-ci ilin 16 noyabr tarixinə dövlət büdcəsinə ötən ilin müvafiq dövrü ilə müqayisədə 355,5 mln. manat artıq gömrük ödənişləri yığılaraq köçürülməsi təmin olunub:

"Cari ilin qalan dövrü ərzində də idxal mallarına tətbiq olunacaq gömrük vergi və rüsumlarına görə alınacaq ödənişlər illik proqnozun daha böyük məbləğdə yerinə yetirilməsini şərtləndirəcək. Təhlildən göründüyü kimi, 2016-cı və 2017-ci illərin müvafiq dövrü ərzində idxalın həcminin azalması ilə müşahidə olunduğu halda, illik büdcə öhdəliyi 16 noyabr 2017-ci il tarixinə artıqlaması ilə icra olunub".