"Gürcüstanla Rusiya arasında uçuşların bərpası AZAL-ın büdcəsinə zərbə vuracaq".

Axar.az xəbər verir ki, bu açıqlama ilə iqtisadçı İlham Şaban öz Fesybuk səhifəsində çıxış edib.

O, qısa müddətdən sonra Azərbaycan sərnişinlərinin Gürcüstana üz tutacağını deyib:

"AZAL-ın büdcəsinə yeni zərbə. Tiflis və Batumdan 6 illik fasilədən sonra Rusiyaya uçuşlar başlayıb. Gürcüstan Rusiyanın 7 aviasiya şirkətinə 2014-2015-ci illər üçün aeroportlarından istifadə etməklə bağlı lisenziya verib və ilk uçuşlar başlayıb. Dünən isə bir Rusiya aviasiya şirkəti AZAL-ın yüksək qiymət siyasətinə etiraz edərək, Bakıya uçuşlarını dayandırıb. Belə getsə, artıq Azərbaycan vətəndaşları bir azdan Tiflisə 20 manata gedəcəklər və oradan da yarı qiymətinə Rusiyanın bütün şəhərlərinə uçacaqlar. Gürcülər və ruslar da bütün şəraiti yaradacaqlar ki, Azərbaycan sərnişinlərini məhz özlərinə cəlb etsinlər. Rus aviaşirkətləri əlavə sərnişin qazanacaqlar, Gürcüstana isə hər bir azərbaycanlıdan bir yemək pulu da olsa bəsdir".