Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
23 Avqust 2019


Bu şəxslər əmək pensiyası ala bilməz... – Ekspertdən təklif

Ana səhifə İqtisadiyyat
12 Punto 14 Punto 16 Punto 18 Punto

Əgər vətəndaşın ötən ilin ikinci yarısınadək fərdi hesabında hər hansı bir vəsait olubsa, o, 25 illik pensiya stajı ilə pensiyaya çıxır. Bu yaxşıdır, amma heç də bütün yaşlı insanlarımızın pensiya almasına imkan vermir.

Axar.az xəbər verir ki, bu fikirləri iqtisadçı alim Vüqar Bayramov “Əmək pensiyaları haqqında” Qanuna bu ildən edilən dəyişikliklər barədə danışarkən deyib.

İqtisadçı bildirib ki, 2006-cı ildən sonra yığımı olmayan vətəndaşların, qaydalara əsasən, əmək pensiyası almaq hüquqları yoxdur:

“Bu ildən “Əmək pensiyaları haqqında” Qanuna edilən dəyişiklilərə görə, 2006-cı ilin əvvəlindən, yəni fərdi uçot sistemi tətbiq olunandan sonra 2018-ci il iyulun 1-dək fərdi hesabında toplanan məbləğdən asılı olmayaraq, pensiya kapitalı qeydə alınıbsa, 2006-cı ilədək 25 il sosial sığorta stajı hesablanır. Yəni, əgər vətəndaşın ötən ilin ikinci yarısınadək fərdi hesabında hər hansı bir vəsait olubsa, o, 25 illik pensiya stajı ilə pensiyaya çıxır. Bu yaxşıdır, amma heç də bütün yaşlı insanlarımızın pensiya almasına imkan vermir. Məsələ ondadır ki, elə vətəndaşlarımız var ki, onların 2006-cı ilədək 25 deyil, daha az, məsələn 22 il iş stajı olub və 2006-cı ildən sonra yığımı da olmayıb. Qaydalara əsasən, belə vətəndaşlarımızın əmək pensiyası almaq hüquqları yoxdur.

Qeyd edim ki, son zamanlar bu məsələ ilə bağlı bizə çoxlu sayda müraciətlər olunur. Vətəndaş 2006-cı ilədək hətta 24 il işləyib, amma sonradan əmək müqaviləsi olmadığı üçün yığım edə bilməyib və indi pensiya yaşı çatsa da, pensiya ala bilmir. Yalnız 67 yaşı tamam olan zaman sosial müavinət alacaq. O isə minimum əmək pensiyası ilə müqayisədə kiçik məbləğdir”.

V.Bayramov bildirib ki, bütün bu müraciətləri nəzərə alaraq “Pensiya Amnistiyası”nın verilməsini təklif ediblər:

“Yəni, əgər vətəndaşın 2006-cı ilədək müəyyən iş ştajı olubsa və hətta 2006-cı ildən sonra onun fərdi hesabında heç bir yığım olmayıbsa, onun pensiya yaşı çatan zaman minimum pensiya məbləği ilə təmin olunmasına ehtiyac var. Bu yaş qrupunda olan insanların sosial təminata daha çox ehtiyacının olduğunu nəzərə aldıqda belə amnistiyanın verilməsi çox vacibdir”.

Tarix
2019.05.24 / 10:44
Müəllif
Nigar İxtiyarqızı
Şərhlər
Digər xəbərlər

BirKart-la təhsil haqqını hissə-hissə ödəmək imkanı!

Mərkəzi Bank yeni məzənnəni açıqladı

Neft bahalaşdı - Son qiymət

Bu fərman mühüm əhəmiyyət kəsb edir – İqtisadçı

ABB Goranboy və Ağstafa şöbələrini də yenilədi

Dolların bugünkü məzənnəsi

Büdcə kəsiri 667 milyonu ötdü

Mərkəzi Bank yeni məzənnəni açıqladı

Oktyabrın 1-dən onların pensiyası artacaq - Ekspert

Dolların bugünkü məzənnəsi

KULT
<>
Xəbər xətti
 
e-vetendash
  
  
  
  
  
  
  
  
  
Axar.az'da reklam Bağla
Reklam
Bize yazin Bağla