"DəmirBank"ın təcili pul köçürmə xidmətləri üzrə pul köçürən və alanlara "Mobil danışıq kartı hədiyyə" kampaniyası davam edir.

"DəmirBank" ASC-nin İctimaiyyətlə Əlaqələr şöbəsinin əməkdaşı Təhminə Paşayevanın Axar.az-a verdiyi məlumata görə kampaniyanın şərtlərinə əsasən, Bankın filiallarında ən az 500 AZN/USD/EUR məbləğində pul köçürənə və ya alana istədiyi mobil rabitə sisteminin 1 manatlıq, köçürmə məbləği ən azı 2000 AZN/USD/EUR olduqda isə müştəriyə 2 manatlıq mobil danışıq kartı hədiyyə olunur:

"Hədiyyə kampaniyası "DəmirBank" filiallarında həm pul göndərənlərə, həm də pul alanlara şamil edilir. Ölkədaxili "Şimşək" sistemi üzrə isə yalnız pul göndərənə mobil rabitə ödəmə kartı hədiyyə edilir".

Qeyd edək ki, "Mobil danışıq kartı hədiyyə" kampaniyası aprelin 31-dək davam edəcək.

Onu da əlavə edək ki, "DəmirBank" əhaliyə ölkə üzrə 200-dək pul köçürmə xidmətlərini təklif edir. Bank Western Union, Coinstar, Blizko, PrivatMoney kimi sistemləri ilə beynəlxalq, özünün "Şimşək" sistemi ilə isə əhaliyə ölkədaxili pul köçürmə xidmətləri göstərir.