Ana səhifə İqtisadiyyat |
Azərbaycanın iqtisadi potensialının yüksək səviyyədə olması ölkənin Ali Baş Komandanı, Prezident İlham Əliyevin həm hərbi, həm diplomatik, həm də iqtisadi sahədə düşünülmüş siyasətinin nəticəsidir.
Bu sözləri Axar.az-a açıqlamasında iqtisadiyyat üzrə ekspert Pərviz Heydərov Azərbaycanın iqtisadi uğurlarının cəbhədəki proseslərə təsiri barədə danışarkən deyib.
“Azərbaycan öz ərazilərinin 30 il ərzində işğal altında qalmasına dözüm nümayiş etməklə yanaşı, iqtisadi gücünü artırmasının da qayğısına qalıb. Ümummilli lider Heydər Əliyev, daha sonra isə İlham Əliyev məhz bu gücün hesabına ordu quruculuğuna böyük diqqət ayırıb və bu sahədə böyük nailiyyətlər əldə edib”, - iqtisadçı bildirib.
Ekspertin sözlərinə görə, Azərbaycanla Ermənistanın iqtisadi potensialının müqayisəsi mümkün deyil:
“İqtisadi göstəricilərə görə, düşmən ölkə ilə müqayisədə Azərbaycanın ən zəif göstəricisi belə 3-4 dəfə yüksəkdir. Bu da əlbəttə ki, Azərbaycanın əldə etdiyi iqtisadi uğurların, dövlətin həyata keçirdiyi müvafiq iqtisadi siyasətin nəticəsində əldə olunub. Azərbaycan bu gün Cənubi Qafqazın ümumi iqtisadi potensialının 75 faizinə malik olan ölkədir. Prezidentimizin hakimiyyətdə olduğu son 17 il ərzində Azərbaycan Ordusu dünya ölkələri arasında 50 ən güclü ordu sırasında yer alıb. Hər il dövlət büdcəsindən ən çox vəsait hərbi sahəyə ayrılır”.
Tarix
2020.10.22 / 15:20
|
Müəllif
Xədicə Nəbiyeva
|