"İyun ayı birjalarda neftin qiymətinin növbəti enmə trendinə girməsi ilə yadda qalacaq".

Axar.az xəbər verir ki, bu açıqlama ilə iqtisadçı ekspert Natiq Cəfərli çıxış edib. O, neftin qiymətinin 50 dollaradək düşmə ehtimalları ilə bağlı bir sıra məqamlara aydınlıq gətirib:

"1.WTİ və Brent markalı neft arasında qiymət fərqinin 4 dollara düşməsi ilə spred qapanır.

2.Bu gün axşam ABŞ-da ənənəvi həftəlik strateji neft rezervlərinin vəziyyəti açıqlanacaq. Azalma olsa da, bunun qiymətə təsiri olmayacaq.

3. Cümə günüisə OPEK-in toplantısıdır. Çox güman ki, hasilatı azaltma qərarı verilməyəcək. Qeyd edim ki, qərarın elanı bazarda 2-3 dollarlıq qiymət enməsinə səbəb olacaq.

4. Yunanıstan böhranı yaxın günlərdə çözülməsə, bu, avronun düşməsi, dolların qalxmasına səbəb olacaq. Nəticədə isə baha dollar neftin qiymətini daha da aşağı çəkəcək.

5. Ayın sonunda İranla Altılığın anlaşması rəsmiləşəcək, təbii ki, bu da qiymətə birbaşa təsir edəcək. Bir sözlə, iyun ayı birjalarda neftin qiymətinin növbəti enmə trendinə girməsi ilə yadda qalacaq. Belə ki, qiymət yenidən 50 dollara qədər enə bilər".