Son dövrlər bəzi banklarda köçürmə, vəsaitin nağdlaşdırılması, əmanətlərin geri alınması, bankomatlardan vəsait götürülməsi və sair əməliyyatlarda ciddi problemlərin olması ilə bağlı çoxsaylı müraciətlər daxil olur.

Axar.az xəbər verir ki, bu barədə iqtisadçı ekspert Qubad İbadoğlu açıqlama verib. O, sözügedən problemlə bağlı, yəni vətəndaşların bank əməliyyatlarında ciddi risklərlə qarşılaşmaması üçün məsləhətlər verib:

"Son dövrlər bəzi banklarda köçürmə, vəsaitin nağdlaşdırılması, əmanətlərin geri alınması, bankomatlardan vəsait götürülməsi və sair əməliyyatlarda ciddi problemlərin olması ilə bağlı çoxsaylı müraciətlər daxil olur. Buna görə də təklif edirəm ki, banklarda əməliyyat aparmazdan, hesabınıza vəsait köçürülməzdən, əmanətlərə dair qərar verməzdən öncə hesabınızın qeydiyyatda olduğu şöbələrə gedin və əməliyyatçılarla vəziyyəti yerində dəqiqləşdirin. Əks təqdirdə bank əməliyyatlarında ciddi risklərlə qarşılaşa bilərsiniz".