Yuxarı

Slovakiya Azərbaycanda bu imkanlardan yararlana bilər - Nazir

Ana səhifə İqtisadiyyat
12 Punto 14 Punto 16 Punto 18 Punto

Slovakiya şirkətləri Azərbaycanda yaradılmış sənaye parklarında investorlar üçün yaradılmış əlverişli imkanlardan da yararlana bilərlər.

İqtisadiyyat Nazirliyinin mətbuat xidmətindən Axar.az-a bildiriblər ki, bu fikir iyunun 20-də iqtisadiyyat naziri Şahin Mustafayevin Azərbaycanda səfərdə olan Slovakiya Respublikasının Baş nazirinin müavini Peter Pelleqrini ilə görüşündə səsləndirilib.

Görüşdə ölkələrimiz arasındakı mövcud iqtisadi əlaqələr və əməkdaşlığın genişləndirilməsi perspektivləri müzakirə olunub.

Azərbaycan-Slovakiya əlaqələrinin inkişaf etdiyini qeyd edən Şahin Mustafayev hazırda ölkələrimizin iqtisadiyyatın müxtəlif sahələrində, o cümlədən enerji, ticarət, investisiya qoyuluşu sahələrində əməkdaşlıq etdiyini bildirib. Azərbaycanda 10 Slovakiya kapitallı şirkət uğurla fəaliyyət göstərir.

Görüşdə ölkəmizdə həyata keçirilən iqtisadi islahatlar barədə məlumat verilib, Azərbaycanın xarici investisiyalar üçün cəlbedici ölkə olduğu, tətbiq edilən mütərəqqi investisiya təşviqi mexanizminin xarici investorlar üçün əlverişli imkanlar yaratdığı diqqətə çatdırılıb. Nazir Şahin Mustafayev Azərbaycanın investisiya imkanlarının tanıdılmasında ölkəmizdə keçirilən beynəlxalq tədbirlərin, o cümlədən ölkəmizin bu günlərdə Formula-1 yarışlarına yüksək səviyyədə ev sahibliyi etməsinin xüsusi əhəmiyyətini qeyd edib.

Şahin Mustafayev Slovakiya şirkətlərini sənaye, aqrar, tikinti, nəqliyyat, turizm və s. sahələrə, xüsusilə özəl sektorda reallaşdırılan layihələrə investisiya yatırmağa dəvət edib. Slovakiya şirkətləri, həmçinin Azərbaycanda yaradılmış sənaye parklarında investorlar üçün yaradılmış əlverişli imkanlardan da yararlana bilərlər.

Slovakiya Respublikasının Baş nazirinin müavini Peter Pelleqrini Azərbaycanda yüksək inkişafın şahidi olduğunu diqqətə çatdıraraq, ikitərəfli əlaqələrin daha da genişlənməsi üçün ölkələrimizin potensialını vurğulayıb, əlaqələrin genişləndirilməsi istiqamətləri barədə fikirlərini bildirib.

Tarix
2016.06.20 / 18:48
Müəllif
Axar.az
Şərhlər
Digər xəbərlər

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

Paşinyan terrorla hədələnir - İrəvanda nə baş verir?

Bakının informasiyası var: 5 apreldə nə baş verəcək?

Bakıya qarşı şər ittifaqı qurulur: cavabı olacaq - Video

Konsert zalının qapıları niyə bağlı olub? - Emin açıqladı

Bakıda xanım jurnalistlə şəkli - Musəvi İranda tənqid edildi

İrəvan Fransanın oyunlarına getməməlidir! - İcma

Paşinyan separatçıları hədələdi: Bir hakimiyyət var!

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla