Füzuli rayonunun Horadiz şəhərində 28 may - Respublika Gününün 99-cu ilinə həsr olunmuş “Yaşa Azərbaycan” festivalı keçirilib.

Kult.az xəbər verir ki, festival iştirakçıları Cəbrayıl rayonunun işğaldan azad edilmiş yeganə yaşayış məntəqəsi olan Cocuq Mərcanlıya səfər ediblər.

İştirakçılar ön cəbhədə düşmənlə üz-üzə vətənin keşiyində dayanan əsgərlərlə görüşüb, onlara göstərdikləri şücaətə görə təşəkkürlərini bildiriblər.

Həmçinin “Əsgərə Məktub!” layihəsi vasitəsilə vətəndaşların, eləcə də “Məktəblinin dostu” layihəsi çərçivəsində məktəblilərin yazdıqları dəstək məktubları əsgərlərə təqdim olunub.