Xalq artisti Afaq Bəşirqızının adından saxta profil açılıb.

Kult.az xəbər verir ki, “qusi.aliyev.545” nikindən açılan (deyəsən, imzasını gizlətməyi unudub) Feysbuk səhifəsində Afaq Bəşirqızının adından sui-istifadə edildiyi üzə çıxıb.

Səhifəni təhlil etdikdə, bunun yeni açıldığı və konkret hədəfi olduğu aydınlaşır. Belə ki, bir neçə paylaşımdan sonra “qusi.aliyev.545” 62 saylı Saatlı seçki dairəsindən deputatlığa namizəd Əziz Ələkbərlinin təbliğat videosunu paylaşaraq, Afaq Bəşirqızı adından çağırış edib. Çağırışda “Afaq Bəşirqızı” onun xətrini istəyənlərdən təkidlə bu videonu paylaşmaq və ona şərhlər yazmağı xahiş edib, həmçinin namizədi tərifləyib.

Kifayət qədər savadsız yazılan və çoxsaylı səhvlər olan paylaşımı olduğu kimi təqdim edirik:

“Mənim Əzizdərim, Mənim Doğmalarım. Sizdən rica edirəm Mənə xatir səyifəni bəyənin və bu roliki Paylaşın. Ən azından qirin bir xoş söz yazın.

Cox xahiş edirəm. Qoy həmişə Alim, Ziyalı öndə olsun sevilsin secilsin

Hər birinizdən rica edirəm sözümü yerə salmayın”.