"Dünən səhər Sezen Aksunun biləyini qırdığını eşitdim, zəng vurub "Keçmiş olsun, nə edirsən", - deyə soruşdum".

Axar.az xəbər verir ki, bu sözləri köşə yazarı Cengiz Səmırçioğlu Hürriyyət qəzetinin saytında yazıb.

Sezen Aksu yazara belə cavab verib: "Evdə təkərli kresloda oradan-bura, buradan-ora uçuram".

"Mən biləyinin zədələndiyini bilirdim, demə, topuğu zədələnibmiş", - deyən yazar müğənninin dediklərini belə izah edib: "Evdə nərdivanları enərkən son pilləni görməyib addımını boşluğa atıb. Atan kimi də sağ topuğunda şaqqıltı eşidib. İki yerindən qırılıb topuğu, yaxşı ki, güclü qırıqlar deyil. Xəstəxanaya gedib gipsə salıblar ayağını, indi də evdə istirahət edir".

Sezenin bunu da əyləncəyə çevirə bildiyini deyən yazar evin bir başından o biri başına təkərli stulla hərəkət edən müğənninin yaşadıqlarını belə izah etdiyini yazıb: "Başımıza bu da gəldi, amma yenə də bir şey deyil, yaşadığımız hər anın kefini çıxarırıq, gülməyi, xoşbəxt olmağı unutma sən də... Ölkədə olub bitənlərə bax da... Yenə də yaxşı qurtardım, üzü üstə düşüb daha ağır yaralana bilərdim".

Sezenə bütün sevənləri adından "keçmiş olsun" dediyini yazan yazar müğənninin konsertlərini ləğv etmədiyini də yazıb: "Yeri gəlmişkən, konsertlərini ləğv etməyəcək, tarixlərdə dəyişiklik edəcək, səhnədə gipsli ayağı ilə seyr edəcəksiz Sezen Aksunu..."