Ekspertlər Avstriya hakimiyyətinə Qustav Klimtin "Beethoven Frieze" əsərini yəhudi kolleksiyaçı Erix Ledererin varislərinə qaytarmamağı tövsiyə edib. Söhbət nasist rejiminin təzyiqi altında dəyər-dəyməzinə satılan tablodan gedir.

Axar.az "Newsru İsrael"ə istinadən xəbər verir ki, son vaxtlar həmin kolleksiyaçının nasist hakimiyyətinə ucuz qiymətə satdığı tablonun Avstriya hakimiyyətindən geri alınması haqda İsrail mətbuatında geniş müzakirələr aparılır.

Ekspertlərin fikrincə, hansı qiymətə olur-olsun, aparılan sövdələşmə qanuni olub.

Avstriya hökuməti mütəxəssislərin məsləhətinə əməl edəcəyi ilə bağlı açıqlama verib.