Yuxarı

Murdar olayda Bəşirin adı…

Ana səhifə Kult
12 Punto 14 Punto 16 Punto 18 Punto

Xalq artisti Afaq Bəşirqızı efirdə ana söyüşü söyüb. Bir müddət əvvəl xalqı aşağılayan, bəzi kəndlilərin Bakıda zirzəmilərdə uşaq doğduğunu deyən aktrisa Afaq efirdə küçə söyüşü söyərək, elə “padval” mahiyyətində davranış sərgilədi.

Xalq artisti olan bir şəxs, uzağı, efirə bağlanıb “Ana müqəddəsdir” deməlidir, ana söyüşü söyməməlidir. Axı o özü də bir anadır.

Bir müddət əvvəl onun deputatlıq məsələsi gündəmə gəlmişdi, şəxsən mən də dəstəkləmişdim. Amma özü razılaşmadı. Çox sağ olsun! Çox düzgün qərar verib. Efirdə söyüş söyən birinin seçiciləri arasında nələr edəcəyini təsəvvürümə belə gətirə bilmirəm.

Özü də Afaq xanım kişi söyüşü söyüb.

Cümlədəki paradoksa baxın: xanım xalq artisti kişi söyüşü söyüb. Gör kişi olsaydı, nələr edərdi.

Təsəvvür edin, dünyanı pandemiya qorxusu bürüyüb, hətta terror təşkilatları sülhə meyil edirlər, hərbi münaqişələr dayanıb, insanlar bir-biri ilə sülh dili ilə danışırlar... və belə bir məqamda xalq artisti Afaq ana söyüşü söyür. Təəssüf...

Hörmət etdiyimiz, dəyər verdiyimiz bir sənətçinin ardıcıl olaraq belə davranışlar sərgiləməsinə həqiqətən təəssüf etdim.

İndi internet resurslarında Afaq Bəşirqızı ilə bağlı nəsə axtarılanda bu söyüş məsələsi qarşımıza çıxacaq.

O tariximizə ana söyüşü söyən qadın xalq artisti kimi düşdü!

Min təəssüf...

Diqqət etdinizsə, yazıda daha çox “Aktrisa Afaq”, “Afaq xanım” ifadəsini işlətdim, “Bəşirqızı” demədim.

Açığı, əlim yatmadı bu olaydan sonra Bəşir müəllimin adını onun adı ilə yanaşı yazmağa.

Afaq xanım, heç olmasa, atasının adına görə belə bir söyüşü nəinki dilinə, hətta leksikonuna yaxın qoymamalı idi. Afaqın isə dilində, təfəkküründə bu söz varsa…

Dil – təfəkkür tərzidir, düşüncədir, dünyagörüşdür. Ana söyüşü söyən ANA-nın – o ki xalq artisti ola – təfəkkürü adamı heyrətə salır.

Böyük sənətkarımız Bəşir Səfəroğlunun adının belə murdar bir olayda hallanmasından çox məyusam…

Tarix
2020.04.21 / 21:25
Müəllif
Aqşin Evrən
Şərhlər
Digər xəbərlər

Əliyev güclü liderdir, sözünün ağasıdır - Solonnikov

Nikol "bu həftə müharibə olacaq" dedi - Rusiyadan reaksiya

Paşinyan Stoltenberqlə görüşdü

Bakı-Tiflis əməkdaşlığı yeni sahələri əhatə edəcək

İrəvandan anklavlarla bağlı açıqlama: Sərhəd boyu...

Güneylilər Cenevrədə aksiya keçirdi

Cənubi Qafqazda “bir dövlət” silinə bilər - Tarasov

Qərb İrəvanda buna imkan verməyəcək – Ekspert

Nikol Tavuşda izah etdi: Bakı 4 kəndi istəyir, biz isə...

Stoltenberqin Bakı səfərinə Rusiyadan baxış

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla