Ana səhifə Kult |
Məşhur qraffiti-rəssam, siyasi aktivist Benksinin Qəzzadakı evlərdən birinin qapısına çəkdiyi qraffitinin ev sahibi tərəfindən 175 dollara satıldığı ilə bağlı xəbər vermişdik. Qəzza sakini əsərin bütün dünyada məşhur rəssamlardan birinə məxsus olduğunu öyrəndikdən sonra öz alıcısını məhkəməyə verib əsəri geri tələb etmişdi.
Axar.az CNN-ə istinadən xəbər verir ki, qalmaqallı məsələ polisin müdaxiləsi ilə həll olunub və polis sözügedən qapını müsadirə edib. Mətbuata verilən açıqlamaya görə, məhkəmə prosesi bitənə və qapının əsl sahibi müəyyən olunana qədər polis onu qoruyacaq
.
Xatırladaq ki, "Bomb Damage" adlanan əsər 33 yaşlı Qəzza sakini Ravi Dardunun sökülmüş evinin qapısının üzərində, fevral ayında işlənilib. Əsərdən baş açmayan Ravi onu 175 dollara Qəzza sakinlərindən birinə satmışdı.
Tarix
2015.04.12 / 01:44
|
Müəllif
Rəfiqə Əlisəfa
|