Ötən gün Bakı Dövlət Universitetində mayın 18-19-da Bakıda keçiriləcək III Ümumdünya Mədəniyyətlərarası Dialoq Forumunun elmi təqdimatı keçirilib.

Axar.az xəbər verir ki, Azərbaycanın mədəniyyətlərarası dialoq, multikulturalizm və tolerantlıq diyarı kimi tanınması, bu sahədə işlərin görülməsi məqsədilə keçirilən tədbiri universitetin Elm və innovasiyalar üzrə prorektoru, professor Aydın Kazımzadə açıb. Tədbirdə Mədəniyyət və Turizm Nazirliyinin Beynəlxalq əməkdaşlıq şöbəsinin müdiri Vasif Eyvazzadə, Elm, təhsil və gənclərlə iş şöbəsinin Elm sektorunun müdiri Asif Usubəliyev qarşıda duran strateji hədəflər haqqında məlumat veriblər.

Qeyd edək ki, Forumda tələbələrlə maraqlı diskussiyalar olub.