Ana səhifə Kult |
Bu il Azərbaycanda bir neçə tammetrajlı filmin çəkilişi tamamlanacaq.
Mədəniyyət və Turizm Nazirliyindən Axar.az-a verilən məlumata görə, bundan əlavə, 2015-ci ildə daha bir neçə filmin çəkilişinə start veriləcək.
"2015-ci ildə çəkilişləri davam edən və bu il ekranlara çıxacaq
filmlər bunlardır:
1)"Əsgərin şücaəti"nin ssenari müəllifi Yavər Rzayev, Konstantin Vorobyov, quruluşcu rejissoru Elxan Cəfərovdur. Filmdə Qarabağ müharibəsi ilə İkinci Dünya Müharibəsində baş verən hadisələr sintez edilib.
2)"Qırmızı bağ" - Azərbaycan və Rusiyanın birgə çəkdiyi filmdir. Rejissoru və ssenari müəllifi Mirbala Səlimlidir. Bu filmin çəkilişləri də bu il başa çatacaq.
3)Hazırda istehsalına başlanan isə "Dünyanı sənlə anlamaq" filmidir. Ssenari müəllifi İmir Məmmədli, quruluşçu rejissor Mirsadıq Ağazadədir. Lirik komediya janrında olacaq. Azərbaycanlı gənclə gürcü qızının çox qəribə şəkildə cərəyan edən sevgi münasibətlərindən bəhs edir.
4)Yavər Rzayev Çingiz Abdullayevlə birgə yazdığı ssenari əsasında "Xeyirlə şərin rəqsi" adlı detektiv filmin çəkilişinə başlayıb. Çingiz Abdullayevin məşhur Dronqo romanlarından biri – "Quba kapriççosu" əsasında çəkiləcək.
Qeyd edək ki, nazirliyin xətti ilə hasil olacaq filmlərin çəkilişləri hələ də davam edir.
Tarix
2015.04.23 / 02:00
|
Müəllif
Nilufər Muğantürk
|