Azərbaycan Dövlət Musiqili Teatrının 105-ci mövsümünün yekunlaşması ilə əlaqədar teatr əməkdaşları mükafatlandırılacaq.

Teatrın mətbuat xidmətindən Axar.az-a verilən məlumata görə, mükafatlandırma mərasimi 4 iyul tarixində Musiqili Teatrda baş tutacaq. Mükafatlar "Mövsümün aktrisası", "Mövsümün aktyoru", "Mövsümün ən yaxşı səhnə tərtibatı", "Mövsümün ən yaxşı balet artisti", "Mövsümün ən yaxşı xor artisti", "Mövsümün ən yaxşı musiqiçisi (orkestr artisti)", "Mövsümün ən yaxşı texniki işçisi" və "Mövsümün ən yaxşı tamaşası" nominasiyaları üzrə veriləcək.

Qaliblərə xüsusi prizlər və pul mükafatları təqdim olunacaq.