Ana səhifə Kult |
Türkiyədə "Gümüşlükspor" Futbol Klubunun başqanı, ölkəmizdə də kifayət qədər tamaşaçı kütləsi olan aktyor Nejat İşlər klubunun yay futbol məktəbinin açılış mərasimində jurnalistlərə açıqlama verib.
Axar.az xəbər verir ki, futbolda təhsilin əhəmiyyətindən danışan aktyor məktəbdə idman əxlaqı ilə bağlı dərslərin də keçiriləcəyini qeyd edib.
"Texniki heyət tapdıq və yol xəritəsi çəkdik. Məktəbdə 2008-ci ildə doğulan idmançılar oxuyacaq. İnşallah, onlar da böyüyüb böyük komandalarda oynayacaqlar. Sahə içi təhsildən başqa əxlaq təhsili də verəcəyik. Gənc futbolçuları məşhurlarla görüşdürəcəyik. Məktəbdə idman əxlaqı ilə bağlı dərslər də keçiriləcək. Artıq bura bir akademiya kimi işləyəcək".
Jurnalistlərin film və seriallarla bağlı suallarına cavab verən aktyor belə açıqlama verib:
"Seriallar bitdi, kinoya davam edəcəyəm. Peşəmdən ölənə qədər ayrılmaram. İstanbulda yalnız işə gedirəm, burada yaşayıram. Bu il bir kino layihəsi var. Fərqli film olacaq. Serial təklifləri gəlir, amma mən qəbul etmirəm. Mənə artıq serial yox, film lazımdır. Bu işdə 25 ilim keçib. Normalda bu işdən bu qədər ildən sonra təqaüdə çıxırlar".
Tarix
2015.07.02 / 18:43
|
Müəllif
Nilufər Muğantürk
|