Türkiyənin tanınmış müğənnisi Sərdar Ortaç öləndən sonra pulunun arvadına qalacağı haqda danışanlara cavab verib.

Axar.az xəbər verir ki, müğənni mətbuata açıqlamasında özünü sağlam hiss etdiyini açıqlayıb:

"MS xəstəsi olduğum üçün tez-tez vəfat edəcəyimi dediklərini eşidirəm. Ömür Allahın işidir. Özümü yaxşı hiss edirəm. Bəzən ayaqlarım tutmur. Əllərim ağrıyır. Ondan başqa bir problemim yoxdur. Hər şey Allahın əlindədir. Demək, nəsə xəta etmişəm ki, Allah da "özünə gəl" deyə, bu xəstəliyi mənə verib. O ki qaldı "pulu arvadına qalacaq" deyənlərə, demək istəyirəm ki, Şloe mənim kimi bədxərc deyil. Çox tutumludur. Pulum əgər kiməsə qalacaqsa, qoy elə ona qalsın".