Sənətçi Sərxan Kərəmoğlunun Rusiyaya girişinə 2 aylıq qadağa qoyulub.

Axar.az xəbər verir ki, sənətçinin özü məsələ ilə bağlı sosial şəbəkə hesabında paylaşım edib.

O, girişinə qoyulan məhdudiyyətin yanlışlıqla tətbiq edildiyini düşündüyünü qeyd edib:

“Son 2 ay Rusiya Federasiyasına girişim imkansızdır. Vəkillər məşğul olur artıq. Mənə yanlışlıqla STOP qoyulmağının fərqindəyəm. Ancaq bunu sübut etməyə zaman lazımdır”.

Sənətçi Rusiyada toy mərasimlərini idarə etmək üçün söz verdiyi şəxslərdən də üzr istəyib. O, yaranmış vəziyyətə görə toylarla bağlı öhdəliklərini yerinə yetirməsinin çətinləşdiyini açıqlayıb:

“Toylarını idarə etmək üçün söz verdiklərim məni üzrlü hesab etsinlər. Hər kəslə tək-tək danışıb çıxış yolu taparıq, inanıram. İndi bir az çətindir mənə, adaptasiya olmağa çalışıram”.