Həmin fotodakı oğlan Əlidir. Mən ona Mədəniyyət və İncəsənət Universitetində dərs demişəm, çox yaxşı uşaqdır.

Bu sözləri xalq artisti Həmidə Ömərova sosial şəbəkələrdə tələbəsinin oğlu zənn edilməsi haqda Kult.az-a danışarkən deyib. O, bütün tələbələrini övladları kimi gördüyünü bildirib:

“Bütün şad günlərində iştirak etmişəm, qabaqcıl jurnalistdir. O, həmişə mənə deyir ki, müəllimə, sizinlə fəxr edirəm. İndi də mən artıq onunla fəxr etməyə başlamışam. Bütün tələbələrim mənim övladlarım kimidir, amma mənim bir oğlum var. Allah onun da, bütün övladların da yolunu açıq eləsin”.

Qeyd edək ki, Həmidə Ömərovanın yeganə oğlu Rəhim proqramçı kimi fəaliyyət göstərir.