Türkiyənin tanınmış aktrisası Pelin Sönməz Bakıda ev almaq qərarına gəlib.

Musavat.com saytına açıqlama verən aktrisa bildirib ki, artıq qiymətlərlə maraqlanıb: “Bakıya film çəkilişləri üçün gəlmişəm. Burada bu qədər çox sevildiyimi bilmirdim. Hər kəs rol aldığım “Akasya durağı”serialını izləyibmiş. Məni oradan tanıyırlar. Önəmli səbəb olsa, Bakıya köçmək istəyərəm. Burada ögey münasibət görmədim. Hətta özümə ev almaq istəyirəm. “Ağ şəhər” layihəsini çox bəyəndim, qiymətləri ilə maraqlandım. Mənə uyğun olsa, oradan ev almağı düşünürəm. Çünki bura bizim ikinci vətənimizdir”.

Aktrisa “Azərbaycanlı bəylə ailə qurarsınızmı” sualına isə belə cavab verib:

“Aşiq olsam, azərbaycanlı kişiyə ərə gedərəm. Mənim qarşı cinslə bağlı xüsusi kriteriyam yoxdur. Əsas odur ki, qarşımdakı şəxsə aşiq olum. O zaman həmin kişi gözümə dünyanın ən yaraşıqlı bəyi görünür. Hazırda isə ailə qurmaq fikrim yoxdur. Evlilik planlanan bir şey deyil. Heç vaxt ərə getmək haqda düşünməmişəm. Qismət nə zaman olsa, ailə quracağam”.