“Bu şəhərdə” komandası bir daha Zaur Kamalı parodiya etməyəcək.

Bu sözləri Kult.az-a parodiya edilməsinə sərt reaksiya göstərən Zaur Kamal haqqında danışan “Bu şəhərdə”nin prodüseri Müşfiq Abbasov deyib.

O bildirib ki, Zaur Kamalla münasibətləri yaxşıdır:

“Zaur Kamal nə əvvəl, nə də indi parodiya olunmasına irad bildirib. Onunla münasibətimiz yaxşıdır. Sadəcə, biz bir daha onu parodiya etməyəcəyik”.

Qeyd edək ki, “Bu şəhərdə” komandası “Pul Ov” adlı konsertində Zaur Kamalın aparıcısı olduğu “5/5” verilişini parodiya edib.

Aparıcı 7 mart tarixində efirə gedən verilişində “Bu şəhərdə”dən onu parodiya etməməyi tələb edib.