Parodiyaçı, aktyor Elnur Mahmudov Güney azərbaycanlı məşhur müğənni Əli Pormehri parodiya edərək Afət Fərmanqızını tənqid edib.

Kult.az xəbər verir ki, o, Xəzər TV-nin efirində yayımlanan 5/5 verilişində güneyli müğənninin “Naz eləmə” mahnısını “Zay eləmə” kimi ifa edib.

Xüsusilə “Yer də bilir, göy də bilir, Afət oxuya bilmir” sözləri geniş reaksiya doğurub.

Güneyli müğənninin yerişini, jestlərini təkrarlayan parodiyaçının səhnəciyində diqqət çəkən digər məqam isə onun kostyumu olub. Onun əynindəki kostyum Əli Pormehrin 22 fevral 2018 tarixində qonaq olduğu 5/5 verilişində geyindiyi kostyumla eynidir.