Türkiyə Prezidenti Rəcəb Tayyib Ərdoğanın qonaqları qəbul etdiyi yeni Prezident Sarayı hələ də gündəmdən düşmür.

Axar.az xəbər verir ki, bu il istifadəyə verilən Prezident Sarayı bir çox tanınmış şəxslərin də diqqətini çəkib.

Türkiyənin məşhur sənətçisi Hülya Avşar sarayla bağlı bunları deyib:

"Heç güman etdiyiniz qədər əzəmətli deyil. Mənim evim daha təmtaraqlıdır".

Sarayın ilk ziyarətçilərindən olan Rusiya Prezidenti Vladimir Putin də yaxın çevrəsinə sarayı çox bəyəndiyini söyləyib.

Tanınmış müğənni İbrahim Tatlısəs də Tvitter hesabında sarayı çox bəyəndiyini bildirmişdi:

"Əfəndilər, mən özümü tanıyandan ABŞ-ın Ağ Evi vardı. Niyə də bizim Ağ Sarayımız olmasın? Yoxsa yaraşdırmırsınız? Unutmayaq ki, bura da Türkiyə Cümhuriyyətidir. Məncə yaraşır. Həm də çox yaraşır".