İlqarə Kazımova müğənni Natəvan Həbibinin xalq artisti Aygün Kazımovanın İstanbula getməsi ilə bağlı yazdıqlarını cavabsız qoymayıb.

Axar.az Baku.ws-ə istinadən xəbər verir ki, İlqarə Kazımova Natəvanın yazdıqlarına özünün İnstaqram səhifəsində münasibət bildirib.

Anasını İstanbula ötürən İlqarə İnstaqram vasitəsilə paylaşdığı fotoda aeroportda olduğunu qeyd edərək yazıb:

"Sən heç kimsən, əzizim. Bunu yadında saxla".

Qeyd edək ki, Müğənni Natavan Həbibi Aygün Kazımova ilə aralarındakı məhkəmə prosesindən sonra qəbul edilmiş "ölkədən çıxmama" qanunu pozan Aygünə ismarış göndərmişdi:

"Eşitdim ki, hələ ki qanunun qüvvəyə minməməsindən istifadə edərək ölkədən tez-bazar uçan var. Amma unutmaq lazım deyil ki, hər gedişin bir dönüşü var. Bu, heç kimdə fikir çaşqınlığı yaratmasın. Çünki nə qanun dəyişər, nə də sizin Natavan. İstəyirsən Afrikaya get, istəyirsən Marsa. Yenə də hər bir Azərbaycan vətəndaşı Azərbaycan qanunlarına tabedir".