"Qız uşağını klipimdə göstərmərəm heç vaxt"

"Həmin şərəfsizi Kanadadan tapdım, üzr istəməyə məcbur etdim"

"O bilməlidir ki, başından böyük qələt edib"

Müğənni İzzət Bağırov Alternativ TV-də (Region TV) yayımlanan "Şou məkan" verilişinə eksklüziv açıqlamalar verib.

Sevilən ifaçı "Yaradanım" mahnısına çəkdirdiyi son klipində övladı ilə kamera qarşısına keçməsini tənqid edənlərə cavab verib: "Oğlan uşağı olduğu üçün övladımı klipimdə göstərmişəm. Qız uşağını klipimdə göstərmərəm heç vaxt. Bəziləri də klip haqda başqa fikirlər yazırlar. O qədər dar düşüncəli, gerizəkalı adamlar var ki. Biri də sosial şəbəkələrdə yazıb ki, heç olmasa, "çaşka"nı sol yox, sağ əlində tutardın. Mən solaxayam".

Tanınmış müğənni sosial şəbəkə istifadəçilərindən də şikayət edib, bəziləri haqda çox sərt danışıb: "Tamaşaçılarımız çox dəyişiblər son vaxtlar. Sosial şəbəkələrdə sənətçilər haqda nalayiq ifadələr yazırlar, sənət adamlarını təhqir edirlər. Mən də elə ifadələr yazanlara cavab yazıram. Hətta, bəzilərini araşdırıb tapıram, üzr istəməyə məcbur edirəm. Məsələn, o gün biri mənim "instaqram" səhifəmdə İslam dinini təhqir etmişdi. Mən onu 8 saata Kanadadan tapdım. Azərbaycanlı olan bu şərəfsiz Kanadada yaşayır. Mənim İslam dini ilə bağlı yazdığım statusa şərh yazıb, Məhəmməd peyğəmbəri, İslam dinini təhqir edib. Mənim haqqımda nəsə təhqir-filan yazsaydı, mən onu bəlkə bloka atardım, yazdığını silərdim uzağı. Amma mənim dinimə dil uzadanda sakit otura bilmərəm. 8 saata onu Kanadadan tapdım, üzr istəddim. Dedim ki, yaz ora, İzzət Bağırovun səhifəsində yanlışlığa yol vermişəm, İzzətdən və bütün Azərbaycan xalqından üzr istəyirəm. Çünki o bilməlidir ki, başından böyük qələt edib, belə şey eləmək olmaz. eləyərsən, səni taparam. Mən heç kim üçün, heç nəyi keçmirəm".

Sənətçi verilişdə yeni yaradıcılıq işləri haqda da məlumat verib.