Müğənni Aytac Vidadiqızı Türkiyədə keçiriləcək toyuna xüsusi hazırlaşır.

Axar.az-a açıqlama verən ifaçı həmin gün üçün özəl mahnı bəstələdiyini də əlavə edib.

"Can ilə özümə mahnı həsr etmişəm. Mahnı "Mənim dəyərlimsən" adlanır. Ağlıma da gəlməzdi ki, toy günüm üçün özüm mahnı bəstələyib, söz yazaram. Birdən ilham gəldi və bu mahnı yarandı. İnanıram ki, bu mahnı bizim həyatımızın ən möhtəşəm musiqisi olacaq".

Müğənni Bakıda baş tutan toyunda bu qədər həyəcanlı olmadığını da vurğulayıb:

"Bakıda toy ərəfəsində belə həyəcanlı deyildim. Hər şeyə nəzarət edə bilirdim deyə, rahat idim. Amma Türkiyədə baş tutacaq toyumda daha çox adam olacaq. Bütün işlərə həyat yoldaşımın valideynləri nəzarət edir. İçimdə qəribə bir həyəcan var".

Qeyd edək ki, Aytac Vidadiqızının qız toyu Bakıda, dekabrın 23-ü olub. O, Türkiyə vətəndaşı ilə ailə həyatı qurub.