Onlar mənim kimi bir şəxsiyyətə bata bilməzlər.

Bu sözləri xalq artisti İlhamə Quliyeva qulluqçusunun göndərdiyi məktub haqda Axar.az-a danışarkən deyib. O, məhkəmə yaxınlaşdığı üçün qulluqçusunun təşvişə düşdüyünü bildirib:

"Əvvəla, bunu deyim ki, o mənim köməkçim deyil, qulluqçumdur. Qulluqçu nə vaxtdan köməkçi olur axı? Onun göndərdiyi məktubu gördüm. O, nə haqla elə bir məktub göndərə bilir axı? Məhkəmə yaxınlaşdığı üçün təşvişə düşüb. O, heç vaxt İlhamə Quliyevaya bata bilməz. Savadsızın biridir, adını qoyub jurnalist, amma soyadını yazanda yüz dənə səhv edir. Onun savadsızlığı elə mən ondan şikayətçi ola-ola məndən şikayət verməsindən görünür.

Bir də onun yazdıqlarını dərc edən saytlar olsa, o saytları dünya məhkəməsinə verəcəyəm. Bir sayt yalandan yazıb ki, guya mən xaricdəyəm, onlara ayıb olsun. Mən sadəcə onlara demişəm ki, bu mövzuda danışmaq istəmirəm".

Xatırladaq ki, İlhamə Quliyevanın qulluqçusu Mehriban Bəylər qızı Hüseynova "Yeni Müsavat"a məktub yollayaraq xalq artistini onu bıçaqlamaqda, işgəncə verməkdə və müxtəlif cinayətlərdə ittiham edib.