Müğənni Natəvan Həbibi ilə tanınmış prodüser Tarix Əliyevin məhkəməsi başa çatıb.

Axar.az xəbər verir ki, bu haqda prodüser Tarix Əliyev rəsmi İnstaqram səhifəsində məlumat verib. O, məhkəmənin barışıqla başa çatdığını bildirib:

"Məhkəmə barışıq qərarı verdi. Bununla da bizim Natəvanla məhkəməmiz bitdi".

Xatırladaq ki, Natəvan Həbibi Toliki şərəf və ləyaqətinin təhqir olunması, işgüzar nüfuza xələl gətirməsi iddiası ilə məhkəməyə vermişdi. Məhkəmənin qərarına əsasən, Tolik Natəvan Həbibinin erməni milliyyətinə mənsubluğu barədə yaydığı yalan məlumatı və işlətdiyi təhqiramiz ifadələri təkzib etməli, ondan üzr istəməli idi.