İspaniyanın Formula-1 idmanı üzrə ixtisaslaşmış "www.laf1.es" portalında “Bakı yarışın adının Azərbaycan Qran-prisinə dəyişdirilməsini izah edir” sərlövhəli məqalə dərc olunub.

Axar.az xəbər verir ki, məqalədə deyilir: 2016-cı ildə ilk dəfə Formula-1 yarışına ev sahibliyi edən Bakıdakı idman mübarizəsi “Avropa Qran-prisi” adı altında keçirildi. Gələn il isə bu yarışın adı Formula-1 Azərbaycan Qran-prisi olacaq.

Məqalədə “Bakı Şəhər Halqası” Əməliyyat Şirkətinin icraçı direktoru Arif Rəhimova istinadla bildirilir ki, “Avropa Qran-prisi” adı ölkəmizin Avropanın bir hissəsi olmasını təbliğ etmək məqsədi güdürdü. İndi isə artıq yarışların adının “Azərbaycan Qran-prisi” kimi dəyişdirilməsinin vaxtıdır.