Mən zəng edib heç kimdən xahiş edən deyiləm.

Bu sözləri məşhur cazmen Cavan Zeynallı konsert verməməsi haqda Axar.az-a danışarkən deyib. O, konsert təşkil etmək üçün kiməsə ağız açmaq lazım olduğunu bildirib:

"Bilirsiniz, indi konsert vermək üçün gərək kimdənsə nəyisə xahiş edəsən, ona ağız açasan, sponsor tapasan. Mənim də elə xarakterim var ki, heç kimə ağız açan deyiləm. Ona görə də sponsor tapa bilmirəm.

Əslinə baxanda, heç mənə lazım da deyil. Çünki konsert versəm, lap ən böyük zal Heydər Əliyev sarayında təşkil etsəm belə, uzağı məni 2 min adam gəlib izləyə biləcək. Amma mənim konsertlərim televiziyada efirə gedir. Onu pulu olan da, olmayan da milyonlarla adam izləyə bilir. Həm də mən özümü rahat hiss edirəm. Belə də hər gün paytaxtda yerləşən restoranların birində musiqili ifa ilə çıxış edirəm. Gəlirlər, izləyirlər. Məni sevirlər, bundan çox xoşum gəlir. Amma yenə də, istilər keçsin, qışa kiçik bir konsert proqramı təşkil etmək fikrim var".