Tanınmış müğənni Leyla Ramazanlı mövsümə yeniliklə başlayıb.

Axar.az xəbər verir ki, ifaçı yeni fotosessiya etdirib. Bir-birindən maraqlı obrazlarla kamera qarşısına keçən ifaçı şəkillərin türk fotoqrafa məxsus olduğunu qeyd edib.

Yeni planlarından danışan müğənni "Çox özəl" adlı mahnısına yaxın zamanda klip çəkdirəcəyini bildirib:

"Yaxın zamanlarda "Çox özəl" mahnımın klipini tamaşaçılara təqdim edəcəyəm. Qeyd edim ki, mahnın sözləri Leyliyə, musiqisi Pərviz Mahmudova məxsusdur. Mahnı sevgidən bəhs edir. Klipin rejissorluğunu isə Xavər edəcək. Klip hazır olduqdan sonra ona təqdimat mərasimi keçirməyi düşünürəm".

Hər zaman işləri ilə gündəmə gəldiyini qeyd edən ifaçı mövsümə bol enerji ilə başladığını deyib.