Bəzi qəribə hadisələrə baxmayaraq, ağlım tamamilə yerindədir.

Axar.az xəbər verir ki, bu sözləri məşhur kanadalı müğənni və yazıçı, 82 yaşlı Leonardo Koen deyib. Tamamlanmamış mahnılarının yayımlanmayacağını təəssüflə qeyd edən Koen artıq ölməyə hazır olduğunu bildirib.

"O mahnıları bitirə biləcəyimi sanmıram. Kim bilir?.. Bəlkə də mənə yeni bir qan gələcək. Bilmirəm. Ancaq özümü ruhani strategiyalara təslim etmək istəmirəm. Buna cəsarət etmirəm. Görüləcək işlərim var. Dükanın başında durmalıyam. Ölməyə hazıram. Güman edirəm, bu sözlərim çox cansıxıcı olmayıb. Mənim vəziyyətim belədir".

Koen məqalədə həyat, ölüm və fəlsəfi görüşləri ilə birlikdə ölümə yaxınlaşdığı üçün çox şanslı olduğunu da qeyd edib.