Konsert proqramına bir neçə ay əvvəl hazırlaşırdım.

Bu sözləri Türkiyənin tanınmış opera və vokal sənətçisi Oya Ərgün Bakıda təşkil olunan konsert proqramı ilə bağlı Axar.az-a danışarkən deyib. O, yeni konsertə hazırlaşdığını bildirib:

“Proqrama xarici repertuarla yanaşı, bir neçə Azərbaycan mahnısı da əlavə etmişdik. Bunlar Azərbaycanın ən məşhur müğənni və bəstəkarlarının əsərləri idi. Çox gözəl konsert proqramı oldu, zal tamamilə dolu idi. Bu, məni çox sevindirdi. Mənimlə bu əziyyəti çəkən hər bir insana təşəkkürümü bildirirəm. Artıq qarşıdakı konsert proqramlarına hazırlaşıram”.

Qeyd edək ki, Kirxa orqan və kamera musiqisi zalında baş tutan konsertdə məşhurun həmkarları ilə yanaşı, dostu, Şimali Kipr Respublikasının Azərbaycan təmsilçisi Üfüq Turqanər və həyat yoldaşı da iştirak edib. İştirakçılar bir neçə gün əvvəl neft yatağında baş vermiş faciədə dünyasını dəyişmiş neftçiləri bir dəqiqəlik sükutla yad edib.