Güney Azərbaycanın "Teleqram" kanallarının birində azərbaycanlı gəncin vəzifə borcunu yerinə yetirərkən öldüyü haqda xəbər yayılıb.

Kult.az xəbər verir ki, "Khabar_Az" kanalı onun Qədir Rüstəmovun ifasında məşhurlaşan xalq mahnısı “Sona büllər”i ifa etdiyi videonu paylaşaraq, bu sözləri yazıb:

“Fədakar yanğınsöndürən rəhmətlik Qane öz vəzifə borcunu yerinə yetirərkən həlak olub. O, Azərbaycan musiqi sahəsində böyük bacarığa malik idi. Bu videoda onun gözəl səsini eşidirik”.

Qeyd edək ki, videosu yayılan şəxs Güney Azərbaycandan deyil, Qüzey Azərbaycandan olan İlqar Əhmədovdur. İ.Əhmədov hazırda Azərbaycan Xəzər Dəniz Gəmiçiliyi QSC-də çalışır və beynəlxalq sularda üzən gəmilərimizdən birinin kapitanıdır.

Onun füsunkar ifaları vaxtaşırı olaraq sosial şəbəkədə paylaşılır.