Yaradıcılığına hörmət etdiyim Faiq Sücəddinov məni öz iş yerinə dəvət edib, yeni və köhnə mahnılarını təqdim etdi.

Bu sözləri müğənni Nadir Qafarzadə bəstəkar Faiq Sücəddinovun mahnılarından ibarət albom çıxarması haqda Kult.az-a danışarkən deyib. O, artıq iki mahnının hazır olduğunu bildirib:

“İnşallah, Faiq bəyin mahnılarından ibarət albom hazırlayacağıq. Bu həm mənim, həm də Faiq bəyin istəyidir. Bundan başqa, bəstəkarın köhnə mahnılarına yeni nəfəs verəcəyəm. Artıq iki mahnı - “Darıxmışam” və “Yalan” lentə yazılıb. “Yalan”ı bu gün təqdim edirəm, düşünürəm ki, mərhum sənətkar İlhamə Quliyevanın ifasından sonra mənim ifamda da bəyəniləcək”.

Qeyd edək ki, “Yalan” adlı bəstənin aranjimanını Rübail Əzimov və Emin Nəbiyev edib.