21 mayda əməkdar artist Fərqanə Qasımovanın Heydər Əliyev sarayında konserti zamanı maraqlı anlar yaşanıb.

Kult.az xəbər verir ki, sonda səhnəyə qalxan xalq artisti Alim Qasımov hamıya təşəkkür edib, konsertin bitdiyini elan edib, tamaşaçıların gedə biləcəyini deyib və səmimi ünsiyyətdən sonra oxumağa başlayıb.

Əlbəttə, tamaşaçılar Alim Qasımovun ifasını sonadək dinləyiblər.

Sosial şəbəkədə Alim Qasımovun öz hesabından yayılan videodan da görünür ki, xalq artisti spontan oxuyur və sadəcə, qızının konsertindən yaşadığı xoşbəxtliyi ifadə edir.

Qeyd edək ki, F.Qasımova bu konserti atasının 60 illik yubileyinə həsr etmişdi.