Tələbələrimlə həddindən artıq ciddiyəm. Onları sevirəm. Mən zarafat edəndə mənim zarafatımın qarşısında kimsə dayana bilməz.

Axar.az xəbər verir ki, bu sözləri ARB TV-nin "Gəlin danışaq" verilişinə qonaq olan "Natiq" ritm qrupunun rəhbəri, əməkdar artist Natiq Şirinov deyib. O, xarakterindən və işdə ciddi olmasından danışıb:

"Əyləncəni də sevirəm. Deyib-gülürük, əylənirik. Uşağı öyrədirəmsə, sığallaya-sığallaya öyrədə bilmərəm axı. Hərdən deyirlər ki, adam döyür. Yox, elə şey yoxdur. Dedim, mənim özümü döyən lazımdır, mən adam döyə bilirəm?! Mən zəif insanam. Əlimdə bir dənə nağaram var, onunla da çalışıram ki, xalqa xidmət edim. Amma ciddi biriyəm. Mənim səbrim böyükdür, illərlə gözləyirəm, gördüm alınmır, deyirəm get. Hər şeyi Allaha buraxmışam".